5 Reasons Family Vacation Better For Kid's Happpiness: ជម្រើសត្រឹមត្រូវក្នុងការផ្តល់សុភមង្គលដល់កូន

សង្គមបច្ចុប្បន្នប្រជាជនទូទៅចូលចិត្តប្រើប្រាស់សម្ភារៈអេឡិចត្រូនិចសម្រាប់ការកម្សាន្តនៅពេលសម្រាក ពីការងារ និងការរកទទួលទានផ្សេងៗ។ សូម្បីតែក្មេងៗក៍ញៀនទៅនឹងការប្រើប្រាស់ទូរស័ព្ទដៃ និង Tablet ដែរ ព្រោះសព្វថ្ងៃឪពុកម្តាយជាទូទៅចូលចិត្តទិញ សម្ភារៈអេឡិចត្រូនិច ដូចជា ទូរស័ព្ទ Tablet ជាដើមសម្រាប់ឱ្យកូនៗរបស់ពួកគាត់លេង។ នេះមិនមែនជម្រើសដ៍ល្អសម្រាប់ការផ្តល់សុភមង្គលឱ្យកូននោះទេ អ្នកជំនាញខាងចិត្តវិទ្យាបាននិយាយថា ការធ្វើដំណើរជាលក្ខណៈគ្រួសារគឺជាការបង្កើតសុភមង្គលក្នុងគ្រួសារនិងបង្កើតសុភមង្គលសម្រាប់ កូនទៅពេលអនាគត។

នេះគឺជាហេតុផល ៥ បញ្ជាក់ថាការធ្វើដំណើរគ្រួសារពិតជាមានសារៈសំខាន់៖
១. ការចំណាយលើការដើរកំសាន្តបានលទ្ធផលខ្ពស់ជាងការទិញរបស់ក្មេងលេងឱ្យកូន

ប្រសិនបើអ្នកចំណាយលុយទិញសម្ភារៈក្មេងលេងឬឧបករណ៍អេឡិចត្រូនិចសម្រាប់ការទាចង់បានរបស់ពួកគេ នោះសុភមង្គលដែលអ្នកផ្តល់ឱ្យកូនៗរបស់អ្នកមានរយៈពេលខ្លីប៉ុណ្ណោះ ព្រោះថាមិនបានមួយខែផងពួកគេនឹងធុញទ្រាន់ ហើយចង់បានសម្ភារៈថ្មីផ្សេងទៀត។ ដូចនេះការដើរកំសាន្តជាលក្ខណៈគ្រួសារពិតជាល្អជាង បើតាមអ្នកជំនាញខាងចិត្តវិទ្យា វិមកាលគ្រួសារពិតមានតម្លៃសម្រាប់ក្មេង ហើយក៍អាចបង្កើតការចងចាំល្អ ការបើកចិត្តនិយាយគ្នារវាងឪពុកម្តាយនឹងកូនហើយវាក៍ពេលវេលាដែលមិនអាចបំភ្លេចបានផងដែរ។
២. ការដើរកំសាន្តធ្វើឱ្យប្រព័ន្ធខួរក្បាលរបស់ក្មេងមានការលូតលាស់

តើអ្នកដឹងទេថាការដើរកំសាន្តវិមកាលអាចជួយដល់ការអភិវឌ្ឍន៍ខួរក្បាលរបស់កុមារ? អ្នកជំនាញខាងចិត្តសាស្រ្ត និងជានាយកផ្នែកអប់រំ The Center of Child Mental Health in the UK, Dr. Margot Sunderland បានពន្យល់ថា ប្រព័ន្ធខួរក្បាលរបស់កុមារនឹងដំណើរការល្អ នឹងមានភាពឈ្លាសវៃ នឹងមានលក្ខណៈផ្តោតលើគោលដៅនៅពេលពួកគេបានធ្វើដំណើរកំសាន្តកន្លែងផ្សេងៗ។
៣. ដំណើរកំសាន្តកាត់បន្ថយស្រ្តេសរបស់ឳពុកម្តាយនិងកូន

មិនមែនតែមនុស្សធំទេដែលស្រ្តេសនឹងការងារប្រចាំថ្ងៃ របាយការណ៍ឆ្នាំ២០១៥បានបង្ហាញថា ៧៩% នៃក្មេងពីអាយុ ៨​ ដល់ ១៤ ជាទូទៅមានជំងឺស្រ្តេសនេះដែរ ហើយពួកគេនឹងបាត់ស្រេ្តសទៅវិញនៅពេលពួកគេឪពុកម្តាយរបស់ពួកគេ បានចំណាយពេលនៅជាមួយពួកគេ។
៤. ការចងចាំល្អដែលបង្កើតឡើងគឺជាការបង្កើតសុភមង្គលដ៍យូអង្វែងសម្រាប់គ្រួសារ

ច្បាស់ណាស់ការចងចាំល្អៗគឺកើតឡើងនូវពេលដំណើរកំសាន្តវិមកាលជាគ្រួសារ ការចងចាំល្អៗទាំងនេះគឺបានចង់ភ្ជាប់សុភមង្គលសម្រាប់គ្រួសាររបស់អ្នក។ អាចនិយាយបានវាជាផលចំនេញរយៈពេលវែង ដែលអាចជំរុញឱ្យគ្រួសារមានសុភមង្គលទៅមុខ។
៥. ការថតរូបធ្វើឱ្យយើងសប្បាយចិត្ត

ការថតរូបបានបន្ថែមភាពរីករាយនឹងស្និទ្ធស្នាលក្នុងគ្រួសារ ហើយអ្នកពិតជារីករាយម្តងទៀតនៅពេលដែលត្រលប់មកមើលរូបថតទាំងនេះនៅពេលក្រោយ។