អាយុទើបតែ ៧ឆ្នាំ សរសេរលិខិតផ្ញើរទៅកាន់ក្រុមហ៊ុនយក្ស Google ដើម្បីសុំធ្វើការ

ជាធម្មតានៅពេលដែលយើងសួរទៅកាន់ក្មេងអាយុប្រហែល ៧-៨ឆ្នាំថាតើពួកគេចង់ធ្វើអ្វីនៅពេលអនាគត? ពួកគេប្រាកដជាឆ្លើយយ៉ាងសាមញ្ញថា ធ្វើជាគ្រូពេទ្យ គ្រូបង្រៀន វិស្វករ ប៉ូលីស អីហ្នឹង វាជាចម្លើយធម្មតាៗទៅហើយមែនទេ? ប៉ុន្តែក្មេងស្រីជនជាតិអង់គ្លេសដែលមានឈ្មោះថា Chloe BridgeWater ម្នាក់នេះវិញ ពិតជាមានគោលដៅធំណាស់។ នាងបានសរសេរលិខិតសរសេរដោយដៃផ្ញើរទៅកាន់ក្រុមហ៊ុន Google ដើម្បីសុំធ្វើការ។

គួរបញ្ចាក់ផងដែរថាមូលហេតុដែលក្មេងស្រីតូចម្នាក់នេះសរសរលិខិតទៅកាន់ Google ដោយសារតែនាងបានសួរឪពុករបស់នាង។ Chloe ឆ្ងល់ថាបើសិនជាគាត់មិនធ្វើការជាអ្នកលក់គ្រឿងបន្លាស់ទូរទឹកកក តើគាត់ចង់ធ្វើការកន្លែងណា? Andy ដែលជាឪពុករបស់ Chloe បានប្រាប់ទៅនាងថាគាត់ចង់ធ្វើការនៅក្រុមហ៊ុន Google ព្រោះជាក្រុមហ៊ុនដែលអស្ចារ្យ។ Andy បានបង្ហាញរូបភាពជាច្រើនពីក្រុមហ៊ុនយក្សមួយនេះ ហើយបានបង្ហាញកូនពីភាពអស្ចារ្យរបស់ក្រុមហ៊ុននេះទៀតផង។ បន្ទាប់មក Chloe បានសម្រេចចិត្តសរសេរលិខិតទៅកាន់ក្រុមហ៊ុន Google ដោយមានការគាំទ្រពីឪពុករបស់គេ។

ក្នុងលិខិតនោះនាងបង្ហាញចំណាប់អារម្មណ៍ចំពោះក្រុមហ៊ុន Google និងប្រាប់ពីក្តីស្រមៃរបស់ខ្លួនទៅកាន់ CEO របស់ក្រុមហ៊ុន Google ទៀតផង។
CEO របស់ក្រុមហ៊ុន Google ក៍ឆ្លើយតបលិខិតមកកាន់ Chloe វិញផងដែរ